bada gaztelerazko ahots ezohiko bat, zirkulu politizatu, nostalgiko edo freaketatik kanpo oso ezaguna ez dela izango suposatzen detena. abesti oso glorioso bat du, "hoy no me levanto yo" deitzen da, ta kantatzen duna chicho sanchez ferlosio da. bereziki bukaerako reflexioa oso brutala da. nere bizi filosofia ulertzen laguntzen du, ez?
luther_blissett — 2009-11-18 GTM 1 @ 11:28 Tagak: chicho sanchez ferlosio hoy no me levanto yo
Erantzunak ikusi/idatzi 
Zabaldu Bildu.net | 
del.icio.us
txiki sentitzen naiz, txiki-txiki-txiki. azken aldian ilusio gehien egiten zidan gauza (bartzelonara jutea zubian) inposible bihurtu da, haietako batek niganako hostilidadea modu neurrigabean garatu dezakeelako nere komentario batengatik. eta hola juteak ez nau gehiegi ilusionatzen, suposatuko dezuenez.
deslekutua, txiki, indarge. ta orain zer?
bizitza bukle zikin bat da, ta zintzoki sentitzen duzuna adieraztea faltsua izan eta guayismoan erortzea baino baloratuagoa dago. ba bale. ikasi dut lezioa. ez esan inorri egiak, izan faltsu, egin irribarre denei, dirudienez hori da eramaten dena.
gernikara noa aste hontan, ea animoak igotzeitudan. bigarren saioa txapelketa nagusian (bat pobrea ta kotxe gabea da, dena ere ezin da, nahiz eta hortarako dugun info7)
luther_blissett — 2009-11-17 GTM 1 @ 13:41 Tagak: gernika bartzelona
Erantzunak ikusi/idatzi Zabaldu Bildu.net | del.icio.us
tentsioak hartzen nau, ihesbiderik ez banu bezala tentsioak hartzen nau. eta ito.
betiko ziklo bera da, nere inkapazidadea frogatua geratzeak horrorea sortzen du nigan. horrorea eta herra. eta azkenik frogatua geratzen bada? eta hesia ezin pasata geratzen banaiz? okerrena da gertukoak sufritzera eramaten ditudala.
ez lehen bezain sarri, baina batzutan pentsatzen dut ez ote naizen goiz joateko sortuak diren atormentatuen espeziekoa (luze iraun dezake egoera honek nortea guztiz galdu gabe, ala?). asteroidea, batek esan zidan moduan.
Asteroideak: izarrak bezain ugariak dira eta batzuetan argia ere islatu dezakete. Unibertsoa zeharkatzen dute, korrika nahiz patsaraz, eta guztiz zoritxarreko patua dute. Amiltzea baita beren izana, autoezereztea. Beste asteroideren batekin talka egingo dute, denborarekin zartatu egingo dira...Eta hainbat izarretara hurbildu arren, haien berotasuna eskuratzeko asmoz, gainontzeko asteroideengandik urrundu arren, kolpe bortitzik ez jasotzeko, zulo beltzen amarruak saihestu arren... badakite, badakigu, jakina da suntsitu egingo direla. Barruan daramaten zeinua da, berunezko koxkorra. Bitxia da beren ugaltzea, hauetako bat txikitu bezain pronto beste bi sortuko baitira, etorkizun beltz horri lekukoa hartzeko.
luther_blissett — 2009-11-16 GTM 1 @ 14:12 Tagak: asteroideak
Erantzunak ikusi/idatzi Zabaldu Bildu.net | del.icio.us
carlos cano adoratzen det, benetan brutala iruditzen zait, ironiaren maitalea abesti askotan, eta herriaren espresioak erabiltzen jendea aktibatzeko. andaluziarekiko atxikimendu berezia dut, agian txikitako oroitzapenengatik, agian besterik gabe, tango-flamenco-fado trioko zati bat hangoa delako, baina carlos cano benetan emozionantea da neretzako.
intuitzen detenez askorentzako ezezaguna izango dela gehienean, abesti kañeroenen konpilazio bat egingo dizuet. ondo kokatu garaia, gaur egun jendea da hona, europara, datorrena, baina garai ez oso urrun batean, andaluziarrak modu basatian deslekutuak izatera behartuak izan ziren, "viva la gracia de andalucia, con pasaporte de emigracion" carlos canoren hitzetan. folklorismoak, manolo escobar eta sevillanak saldu, ta bertakoak alde egitera behartu bizi ahal izateko.
- tango de las madres locas
- la murga de los currelantes (que vuelvan pronto los emigrantes!)
- viva la grasia
- sevillanas de chamberi
- proclamacion de la copla
- sin ti no puedo vivir
- el milagro del palmar
- la especulación
luther_blissett — 2009-11-16 GTM 1 @ 12:18 Tagak: carlos cano copla
Erantzunak ikusi/idatzi Zabaldu Bildu.net | del.icio.us
buf, ez dakit nondik hasi hau... itsutasunak sekulako mina egin dit aspalditik, baina ez objetuak ikustea oztopatzen duen itsutasun horrek, itsutasun emozionalaz ari naiz.
nere inguruan espekulatzea afizio izan dute herrian (transexuala, homosexuala, maritxua, trabestia, bisexuala, inutila, ezer balio ez duena, inteligentea, psoekoa, anarkista, terrorista, independentista, ofizialista, antiofizialista...), bueno, nere herrian eta mugitu naizen eremu ezberdinetan. ta logikoa galdetzea bada ere, inor gutxik galdetu dit ezer erantzun bat asmatu aurretik. ta gurasoek gutxiago. de hecho, sexualitate kontutan nere gurasoekin dudan harremana oso tentsoa da, armada yankiaren politika hori bezela (ez galdetu, ez esan edo holako zeozer). baina galdetu ez arren, sermoi bideratzaileak entzutea tokatu zait ("eske zu izan behar zinen, justu zu", "bizilagunek hau ta beste diote, ta aitak asko sufritzen du", "ezin dituzu zure aldarrikapenak barnetik eraman? beti dena muturrera eraman behar dezu?" imaginatu dezakezue, ez?) bueno, honek denak autozentsura bortitza (a.k.a. spidermanizazioa edo etxean bat eta kalean beste bat izatea)ekarri dit, gurasoek sufri ez zezaten, edo behintzat gutxiago sufri zezaten.
garai batean eraso homofobo nere autoestimuarentzako larriak jasan nituen, bestelako hainbat erasorekin batera, eta bizkarrak soilik aurkitu nituen bueltan (ta ez izan kutreak).
total, iristen dela puntu bat guztiz ixten naizena, nahiago dut ixilpean sufritu hitz egitea baino, gurasoekin hitz egitea baino. nik lgtb tematikako film dexente ikusten ditut, baina amak ez du atsegin eta ez da gai bat bera ere nirekin ikusteko (eta film asko ikusi ohi dugu elkarrekin).
aurtengo zinemaldian, blog hontantxe komentatzen dudan moduan, film ezberdinak ikustera joan ginen, besteak beste "contracorriente" oso film emotiboa izateaz gain neretzako iraultza bat dena, lehen aldiz amarekin horrelako film bat ikusten baitut.
gaur telebista ikusten nenbilen eta ama etorri da, sexuari buruzko saio bat zen, alabaren lesbianismoa onartzen ez duen alaba bat eta ama bera dira protagonista.
biok geratu gara ikusten (twitter bidez komentatu dudan moduan) eta esaldi asko ezagunak egiten zaizkit. ezagunegiak. orduan intentsidade handiz ikusten dut, amak (ere) zeozer ikas zezakeelakoan. eta komentario baten harira hitz egiten hasten gara. "baina si zu etzea holakoa, etzea homosexuala..." batzutan batzun itsutasunak beldurtzen nau. ze demontre egon gara bizitzen orain artean, bi mundu paralelotan?
begia dardarka jarri zait ta dena, oraindik dardarak dirau, urduritasun ta tentsio akumulatuagatik (ez banuen nahikoa biharko azterketekin...) ta denbora batera etorri zait berriz:
-haserretu in zea nerekin?
-ez, ama, ez, dezepzionatu in nazu, baina haserretu ez.
pena da sufrimendua moduren batean ulertzen lagun dezakeen zerbait ematen dela uste eta arrotz den zerbait bezela hartzen denean, itsutasun emozionala.
luther_blissett — 2009-11-15 GTM 1 @ 23:16 Tagak: mina itsutasuna emozioa sexualitatea
Erantzunak ikusi/idatzi Zabaldu Bildu.net | del.icio.us
gaur blog berri bat publizitatu dela-eta, nire buruari prometitu niona apurtzera noa, krisia aipatuko dut. gorroto dut krisia, barren barrenetrik datorkit gorroto bizia krisia aipatze hutsarekin. aznar bezala bihurtu da, sarkozy edo le pen bezala, hitler edo franco bezela, ultraeskuindar batentzako hugo chavez edo fidel castro bezala, broma erraza, rekurso erraza, batek ilargia seinalatu eta behatzari begira jartzea bezala. ez da krisia kezkatu beharko gintuena (gauza nabarmenki kaltegarriak baditu ERE), agian izango da oso errotua dudalako ekonomiaz paso egitearen jarrera, baina galerak izan gabe 500 euro gutxiago irabazi dituen baten negarrak gutxi esaten dit, zer nahi dezue egitea.
krisiaz ari gara, ekonomiaz, lanpostuen defentsaz, kapitalismoaren amaieraz... ta nor entzuten da lanaren esklabutzaren aurka? nor langileen kontrolaren alde? nor zanon berrien alde?
enpresako komitean langileen ordezkari moduan dago aita, tipoak bere indar asko xahutzen du horretan, horregatik, ta askotan bere testuak irakurri edo kontatzen dizkit, ta zer nahi dezue, desenkantatua nauka. badakit zintzoki egiten duela egiten duena, baina ez dut hori denik bidea ikusten...
gogoratzen naiz bilbon botelloiaren alde manifestatu eta baionan prekarietatearen aurka manifestatzen zireneko hura (gazteleraz ley del primer empleo edo holako zerbait zen baionako gatazken iturburua), antzeko zerbait dirudi.
krisia gora krisia behera, neri berdin dit krisiak, kriminala dena languneak langileen eskuetan ez egotea da. orduan ez krisi ez krisiondoko, ta seguraski zoriontsuagoak izango ginen lanaren (gainera lan prekarioa) esklabutzaren gatibutzatik ihes eginda.
ah bai, bloga: krisikatzen
luther_blissett — 2009-11-15 GTM 1 @ 14:52 Tagak: krisia langileak ere sindikatuak
Erantzunak ikusi/idatzi Zabaldu Bildu.net | del.icio.us
flipatzen batzuk duten mania horrekin... atzo baina esplizituagoa izango naiz: azken aldian batasunerako joera indartzen ari dela dirudi fronte indepenentistan (espetxeratuek prestatzen zuten testu hura, altsasuko prentsaurrekoa, ELAren dokumentua, EAk aterako omen duena hurrengo astean, brian currinen hitzak, gerry adamsenak, ABk atzo erabakitakoa...) eta batzuk ari dira esaten argitasun gutxirekin ari dela ezker abertzalea (irakurri dituzte testu hauek edo "default" ateratzen zaien komentario lekuz kanpokoa da? hor nere galdera), gaur berriz ere, euskal independentismoaren hain lagun ona den aizpeolea jauna bere kontuekin dator (tipo hori ez da nekatzen?).
atzo burbuilaz hitz egiten nuen, baina burbuilaren alde batez bakarrik (meritu gehien alde hori egiten ari baita burbuila apurtzeko), beste aldea alde independentista da, ta mitchell delakoaren kontua esplizituki jokoan sartu ta gero, jende askok ulertu du (aizpeolea jaunak ere, seguru nago) esaten ari den gauzetako bat, batzuek nahiko luketenaren kontra ez dena bakarra, erakunde armatuak bere ekinarekin amaitu behar duela, azken aldian denon ahotan dagoen bide politikoak soilik lantzearen harira. ez da sekulako analista politiko ona izan behar gainera jakiteko borroka armatuaren eteteak (eta etetea diodanean definitiboa diot, txiringitoa ixtea) momentu hontan onura gehiago ekarriko lizkiokeela mugimendu independentistari ikusteko. eteteak esan nahiko lukeelako PPSOEren diskursoa desaktibatzea eta independentisten batasuna ia gauzatzea, esan nahiko luke ikaragarrizko ilusioa piztuko lukeela euskal jendartean eta mugimendu herritar oso potente bat piztu dezakeela, ta piztu diodanean politika desaktibatua dutenek aktibatua izatera pasatzeko hautua egitea. eta esan nahiko luke, ta seguru honek egiten diola min gehien aizpeolea jaunari, ilegalizazioen estrategia desaktibatzea, patxi lopez gobernutik kanpo utziaz, euren iruzur hori argi eta garbi iruzurra dela erakutsiaz.
aizpeolea jaunak gaiztakeriarekin ekiten du, bai baitaki askoz errealagoa dela ETA erakunde armatuak ixtea txiringitoa, ezker abertzalea kondenaren fartsa hortan erortzea baino, honek gainera segurtatuko lukeelarik aukera gutxi izatea bake prozesua dinamitatu dezakeen espresio armatu berriak sortzeko, bestela gerta zitekeenaren kontra.
luther_blissett — 2009-11-15 GTM 1 @ 12:30 Tagak: politika batasuna bakea etorkizuna esperantza ea lab ela ab euskal herria
Erantzunak ikusi/idatzi Zabaldu Bildu.net | del.icio.us
badut ohitura, txikitatik gainera, atzerriko jendearekin harremantzekoa ta orduan, imaginatuko duzuen moduan, kultura ezberdinen arteko txokeak ematen dira. hau berez ez da txarra, baina gaizkiulertuak gehiago izatea errazten du. twitter bidez jarraitzen banauzue, jakingo duzue bertsozalea naizela, bertsoeskolan saiakera bat edo beste egindakoa, baina bertsozalea (a.k.a. bertsolari frustratua), ba gaur bati argumentatzen, jarri naiz pentsatzen bertsolari frustratu izan arren, ez ote dudan barneen dudanean (hitzean) bertsolariaren atzetik aurrerako sistema hori tatuatu.
luther_blissett — 2009-11-15 GTM 1 @ 01:24 Tagak: bertsolaritza espresioa aurrea atzea
Erantzunak ikusi/idatzi Zabaldu Bildu.net | del.icio.us
badut lagun bat (agian banuen esan beharko nuke, baina ez doa kontu honekin) ETA erakunde armatuaren ekinaren aurka klarki posizionatua dagoena (ta zegoena), ta klarki diodanean esan nahi dut democrata-de-toda-la-vida moduan. kontua da erakunde armatuak atentatu dexente egiten zituela garai hartan, ta bat oso-oso presente zegoela hitz egin genuen kontuaz. akusazio tonu bat edo zuen (benetan sakonki aztertzeko kontua da azken hau, aluzinantea da entzun dezakeena ezker abertzalearen barneko edo inguruko batek momentu muturrekoetan), eta gogoan dut nola nik esaten nion duda izpirik gabe botere errepresentazio bat zela, eta horrek esan nahi zuela su-etena gertu zela. alegia, horrenbeste horrorizatzen zuen horrek esan zezakeela zitekeena zela inoiz gehiago ez horrorizatzea. disparate moduan hartu zuen nik esana, ta su-etena etzen askoz beranduago iritsi. "ikusten? esaten nizun" planean begiratzeko gogoa emango luke horren gauza serioetaz ariko ez bagina.
egun hauetan anekdota hori ongi presente dut, ez horrenbeste erakunde armatuaren ekinagatik (bistan da), eta beldurra ematen badu hau jartzeak ere, esperantza, itxaropena usaindu eta sentitu, ikusi eta dastatzen dut leku guztietan. denon buruan dago, denon ahotan dago, badirudi oraingoan baietz.
ausartuko nintzateke esaten (beti esan izan baitut gatazka politikoen analisi eta konponketa asko gustatzen zaidala eta horren inguruko zerbait nahiko nukeela egin) esperantza burbuila hau apurtzen bada, apurtzen duenak garesti ordainduko duela, euskal herrian behinik behin. eta badaude batzuk burbuila apurtzen esfortzu asko jartzen ari direnak azkenaldian, metodo ez ortodoxoekin daudenak gobernatzen gainera, hori ere esan behar baita.
ia zer dakarkigun etorkizunak. ni behintzat hauek baino ilusionatuagoa nago
luther_blissett — 2009-11-14 GTM 1 @ 22:51 Tagak: oroitzapenak euskal herria etorkizuna bake prozesua borroka armatua ezker abertzalea
Erantzunak ikusi/idatzi (1) Zabaldu Bildu.net | del.icio.us
batzutan halakoak gertatzen dira, ta azken asteburuan bertsolaritzaren espresio kontzentratu jendetsuenean eman da. jakingo duzuenez, semifinalen lehen fasea ari gara bizitzen, baina flashback bat egin behar dut.
final laurdenetako azken saiotik bueltan ginela, kotxean eztabaida antzeko animatu bat izan genuen euskal kultura zela eta etzela. gehienean esan daiteke nik eta beste batek akaparatu genuela atentzio gehien. nere postura blog hau ikusita nahiko erraza izango zaizue asmatzen, gai rekurrentea baita, ta bestearena ba bueno, ofizialista-edo dei diezaiokeguna.
orain gatozen bueltan azken astebukaera hontara, saioetara joan ez baina entzuten saiatu zaretenek jakingo duzue gatazkatsua izan dela, egun batean argia joan eta bestean info7k arazoak izan baitzituen. kasualidadez, hor zebiltzan bergaran larrabetzu.orgeko kideak grabatzen eta koskakoek izan zuten gasteizekoa grabatzeko aukera.
kultura, jabetza eta berriro eztabaida. espainiar kolonialismoaren irrati telebistak txungoak izateaz gain esaten dutenean, ez du materiala liberatzeko ohitura oso errotua, eta gainera larrabetzu.orgen salatu dutenez eurena ez den materiala erabili arren ez omen dute aitortzarik egin, materialak duen copyleft lizentziak norena den (kasu hontan nork grabatu eta eskegi duen) aitortzea badakar ere.
eta honekin denarekin eztabaida piztu zitekeela-eta (interesgarria izango zena nere ustetan) honako hauxe idatzi dute.
durangoko azokan musikherriak bere standean jarri ohi duen musika deskargatzeko aukerarekin eta holako kasualidade ta zorioneko gertakariekin eztabaidan sakontze bidean joan gaitezke, ia zer dakarkigun denborak.
luther_blissett — 2009-11-09 GTM 1 @ 17:52 Tagak: bertsolaritza txapelketa nagusia copyleft gasteiz bergara
Erantzunak ikusi/idatzi Zabaldu Bildu.net | del.icio.us
1
2
3
4
5
6
>>
