ez etsi, gogor eutsi behar da beti!

batzutan halakoak gertatzen dira, ta azken asteburuan bertsolaritzaren espresio kontzentratu jendetsuenean eman da. jakingo duzuenez, semifinalen lehen fasea ari gara bizitzen, baina flashback bat egin behar dut.

final laurdenetako azken saiotik bueltan ginela, kotxean eztabaida antzeko animatu bat izan genuen euskal kultura zela eta etzela. gehienean esan daiteke nik eta beste batek akaparatu genuela atentzio gehien. nere postura blog hau ikusita nahiko erraza izango zaizue asmatzen, gai rekurrentea baita, ta bestearena ba bueno, ofizialista-edo dei diezaiokeguna.

orain gatozen bueltan azken astebukaera hontara, saioetara joan ez baina entzuten saiatu zaretenek jakingo duzue gatazkatsua izan dela, egun batean argia joan eta bestean info7k arazoak izan baitzituen. kasualidadez, hor zebiltzan bergaran larrabetzu.orgeko kideak grabatzen eta koskakoek izan zuten gasteizekoa grabatzeko aukera.

kultura, jabetza eta berriro eztabaida. espainiar kolonialismoaren irrati telebistak txungoak izateaz gain esaten dutenean, ez du materiala liberatzeko ohitura oso errotua, eta gainera larrabetzu.orgen salatu dutenez eurena ez den materiala erabili arren ez omen dute aitortzarik egin, materialak duen copyleft lizentziak norena den (kasu hontan nork grabatu eta eskegi duen) aitortzea badakar ere.

eta honekin denarekin eztabaida piztu zitekeela-eta (interesgarria izango zena nere ustetan) honako hauxe idatzi dute.

durangoko azokan musikherriak bere standean jarri ohi duen musika deskargatzeko aukerarekin eta holako kasualidade ta zorioneko gertakariekin eztabaidan sakontze bidean joan gaitezke, ia zer dakarkigun denborak.

ametsen kontua nere imaginarioan horren rekurrentea izatea ez da kasualitatea, askotan jausten bainaiz ametsen erresuman (ze demontregatik juntatuko nituen amets eta erresuma esaldi berean?), gainera egiten ditudan gauzetatik behintzat erdiak ametsengatik egiten ditudala esango nuke, eta beraz, ametsek nere bizitzan garrantzia berezia dutela esan daiteke.

asteburu hontan beroaldi latza izan dut, ta ezin nuenez atera (hala da, ez dut arrasatetik edo altsasutik ibiltzerik izan), ba kanpaijotzeari ta ikasteari (aitzakia gutxi nun bestela... ta noizpait hasi beharra nun, ala?) eskeini diot nere denbora.

ikastearen zatia aspergarria denez (jeje) besteaz arituko naiz. ez naiz gehiegi ibiltzen web pornoetan-ta, baina lagun batek noizpait komentatu zidan batekin gogoratu nintzen, cam4. web honen kontua da jendeak webcama jar dezakeela besteek ikus dezaten, edo besteek jarritakoa ikus dezakeela, txat bat du emititzen ari den bakoitzak, ta honen bidez ikusi nahiko zenukeena eskatzeko aukera edo nahi dezunerako aukera ematen zaizu. pagatu egiten badezu (ez detena gomendatzen, baina aukera bat da), lokalizazioa sartzen da, ta zure ingurukoa dela dioen jendea bakarrik bilatzeko aukera ematen zaizu hori bada nahi dezuna.

bale, honaino azalpenak. ta zertara zetorren hori guztia?

ba denak du lotura, blog hontan pornoari buruzko testu ezberdinak daude, baina honetarako bereziki hau interesatzen zait, ta ameslariaren kontua nioen agian ameslariegia naizelako interes komertzialak enoratzen (dirua ematen baitiote bisita gehien duenari, ta horrek konpetentzia zikina indartu), baliteke, baina holako webek norabide askotan joan daitekeen sorkuntza ahalbidetzen dute, estatu txiki bat pornoaren ikono bihurtu ta denok horkoak garela esaten badugu, gure artean esperimentatu eta ikas dezakegularik, euskal porno antiheterosexistaren inguruan interesatutakoen komunitatea bilduko duen gune esperimental bilakatzen, momentuan sortu eta desagertuko den esperientzia lantzen gainera.

agian ameslariegia naiz, baina ilusionantea da.

ebayen bazen txoko bat apurtutako HP produktuak konpondu ostean salgai jartzen zituztena, prezio nabarmenki merkeagoan, teknologiazale garen baina ekonomikoki gaizki gaudenontzat aukera ezinhobea zen hainbat eta hainbat gauza eskuratzeko. nere adkisizioa, ipaq 114 bat, ia iritsi berritan, eta emozioa oraindik joan ez zaidanean, txoko hori ixtera doazela jakitea tristetzen nauen berria da (gainera pentsatu nuen gauzak ondo joanaz gero hortik etor zitekeela ordenagailu berria. baina beste biderenbat aurkitu beharko diot, azaroan bait dira azken gauzak saltzekoak.

edo nere inkapazidadeak. arranke dual bat jartzera behartua egotea PDA sinkronizatzeko bakarrik...

baina bueno, berriro xp instalatzera, ze egingo zaio...

ordenagailu berriago bat nahiko nuke, 9.10ean hau egitea errazagoa litzatekeela pentsatzeko (bai, ezta?)

joder, hontaz beti negatiboan idazten det, noiz demontre lortuko det behingoz sinkronizazio gogaikarria?

tray icon fartsa bat da?

bizitzaren gauzek egun gutxian youtubeko bideo asko ikustera eraman naute, gehienak bideoblogetakoak, batzuek vlog deituak, ta hortik (ta aski ezaguna den abesti batetik) dator gaurkoaren titulua.

kontua da dibertsio hutsezko asko badago ere (adorablea da ssshrimpy delakoa abesten entzutea), gauza interesgarriak ez direla gutxi, ta jarri naiz pentsatzen zenbat molatu zezakeen holako zerbait egiteak gure toke bereiztuarekin (askapen sexuala, absurdo bortitzena, teknologia, politika, kutrerioa, esperimentazioa, terapia...), ta noski, gure hizkuntzan.

gero ohartu naiz nere hombre-proyecto izaeraren oinarrira joan naizela, nere proiektu ideal eta inoiz gauzatuko ez direnetara, mundua aldatzearekin amestera naramaten baina soilik ametsetan geratzen diren proiektuetara, horrenbeste karakterizatzen nautenak, zen askok egiten dizkidate komentarioak zentzu horretan.

baina nere proiektu (oraingoz?) gauzatugabe ta eszentrikoenarekin gertatu zen interneten ideia jarri ta sekulako zurrunbiloa sortu zela (eitbren ia adar guztietatik saiatu ziren kontaktatzen! baina nik soilik komunikabide libreetan espresatu nituen iritziak, nahiko modu kaskarrean, baina denetik ikasten da) batzui eskemak hautsi ta euren lanketa propioak egiten hasteko punturaino.

ba ea honek ere bide berdina jarraitzen duen!

dum-dum, dum-dum, dum-dum...

saiatuaz gero dena lor litekeela diotenei arraoia eman beharrean nago, asko kostatu arren, lortu dudalako azkenean pdatik eta wifi bidez blogean sarrera berria idaztea. jarraituko dut hau lantzen, zen ilusioak kreatibitatearen galera ekarri dit oraingoan

barka bezate ludden semeek, baina iratxe esnaolaren testu hau interesgarri egin zait. hemen doa kopiatua:

Internet hizpide, lagun askori «teknologia» hitza baino ez zaie gogora etorriko. Iratxe Esnaolak, ordea, «jendartea» nabarmentzen du artikulu honetan gako gisa, ziberespazioa ez baita «ordenagailuz osatutako sare bat, erabiltzaileen artean gertatzen den jarduera sozialen emaitza baizik». Esate baterako, Interneten izan den lehen «iraultza handia», Web 2.0, hain zuzen, erabiltzailearen paperean izandako aldaketagatik izan omen da iraultza. Hortaz, teknologiek ematen dituzten aukerak baliatuta, «nortasun indibidual eta kolektiboa sareratzea erabiltzaileon eskuetan ere badago»; beraz, euskarak ere gune garrantzitsua izan lezake bertan.

Irakurri gehiago »

facebooken tipo popularra den batek (esan daiteke hala dela) brometan planteatzen du eromena izango litzakeela bere jarraitzaileekin (3000 inguru) afari bat egitea. komentarioak hasten dira barre egiten, ta iristen da puntu bat (momentu hontan 58 komentario doaz), jendeak kontua serio hartu eta benetan egitea planteatzen duena.

ondorioa: edo sare sozialek dena sobredimensionatzen dute, edo "ezinezkoa" hitza gure bizitzetatik desterratu beharko genuke.

eguneraketa: badirudi egin egingo dela, eta musikaria denez tipoa ta diskoa ateratzear dagoenez, diskoa ateratzearekin batera egitea da proposamena.

PDAren kontuak entretenituegia euki nau ta oraindik konpondu ez badet ere (¬¬), itziar zigaren devenir perra liburua irakurtzen jarraitu det, aipatutako kontua hasi zenean utzi nuena.

interesgarria ari zait egiten liburua, ta gainera momentu egokian hartu det, ze itziarrek aipatzen dun jarrera putonesko hori askotan ibili da nere barnean bueltaka, performatibbitate deitzen dion horrek jarrera guztiz politikoak dituela aspaldi ulertu nuen, drag-king bat eszenan sartzeak heteropatriarkatuarekiko deskonexio berriak proposatzen dizkigu, ta jarrera putonesko konsziente eta feministak baita ere.

ile luzea nuenean askotan pentsatu nuen nere jarrera putoneskoa muturrera eramatean, baina beldur eta barne muga batzuk oztopatu zidaten hori. ilea moztu nuenean, mozten ari nintzela, hori etorri zitzaidan burura, ordua izango da orduan, ez?

bihotza bezela, dum-dum, dum-dum, irabaztera goaz!

gora zorrifeminismoa!

azken hilabeteetan ubunturi buruzko web pilatan saltseatzen ari naiz nere ezjakintasuna pixkat gutxitzeko, ta bide batez ordenagailuan egin nahi ditudan gauzak egiteko.

orain PDA bat nola sinkronizatu ikertzen nabil ubuntu 8.10 erabiltzen (batenbatek laguntzerik badu... ze tutorial pila irakurri ditut baina ez det lortu oraindik, portzierto, PDA zaharra da, acer N10 bat), ta foroetatik bueltaka nabilela flipatua uzten nau ikusteak zeinen hedatua dagoen hoyganismo mentala (idatzi ondo idazten dute baina...), igual berrikuntzagatik da, edo agian horrela direlako ta ya, baina galdera bakoitzak windowsen eta microsoften aurkako manifestu merkea izaten amaitzen du, ta merkea diot erabilitako tonu ta argumentazio eskasagatik. arrazoiak egon noski badaudela aurka egoteko, baina badirudi batzuk ubunturekin trasteatzen hastean molonidadea mantentzeko esaldi bakoitzean microsoft edo windows sartu behar dutela (ta ikuspuntu zabalagoa dutenek baita sgae, sacem, riaa edo jakintzazu zer). batzutan graziosoa iruditzen zait 2 hilabete daramatzaten linuxen defensore supremoekin aurkitzea (nik ere ez baitaramat asko, nahiz eta mentalizatua aspaldi nengoen), baina gaur soluziorik aurkitzen ez deten honetan kaka hori jasan behar izatea behin ta berriz horren nekagarria da...

hurrengo sarrera ea PDAtik egin dezakedan, horrek esan nahiko luke gauzak ondo doazela (ez da beharrezkoa, baina egiten badut horregatik izango da)!